Ich bin erst neulich, so heimspaziert
da ist mir folgendes passiert
I wort am gehsteig, und schau in’d luft
und in der nosn, a strenger duft

I schau aufd seiten, do steht a mann
wenn man des no stehen nennen kann
die ampel rot, der herr woa blau
und er hot gredt, I was no genau

de asylanten, I sogs da glei
so geht’s ned weiter, des konns ned sei
wo sui des hinführen? geh schau di um
moch die augen auf und stell di ned dumm

de kumman vo draußen, vom ausland do her
und mochen sie breit do bleibt fia uns ka plotz mehr
glaubst hob I a hackn? na weg is seitdem
die ausländer se gstoin hom, so konns ned weiter gehen

ich anfangs stutzig, dann leicht amüsiert
hab mich (für ihn) a bisserl fermdgeniert
doch noch bevor die ampel auf grün umstellt
kann ich nicht anders und äußere mich selbst

geh hoit di goschn, I wüs ned hean
konnst ned an onderen onblean
geh hoit di goschn, hoits bitte zam
hau die überd häuser und loss mi oglahnt

dann geh I weiteer, mit shcnellem gang
etwas gehetzt die straße entlang
ich hab keine zeit und das sieht man mir an
für etwaige verzögerungen oder ondere spompanadln
und plötzlich vor mir, die menschenwand
mit einem klemmbrett in der hand
und einer lost sich un dkommt grinsend auf mich zu
ich weiß sofort, der losst mir ned in ruh

“ich wünsch an wunder schönen, guten tag
ham sie kurz zeit dass ich ihnen etwas sag
ihnen gehts gut? schön! aber nicht der tierwelt
wollem’s nicht unterschreiben, überweisen’s bissl geld”

I sog erm “bittsche, I hob wos vur”
und er redt weiter in ana dua
ich probier es nochmal “hören’s I muas wo hin!”
und er redt wie aufzogen, es hot kan sinn

geh hoit di goschn, I wüs ned hean
konnst ned an onderen onblean
geh hoit di goschn, hoits bitte zam
hau die überd häuser und loss mi oglahnt

dann endlich weiter, den bin I los
und dann virbrierts in meiner hos
I schau aufs handy, nummer unbekannt
na do kummt freude auf, na I bin gespannt

ich denk nicht nach, und hebe ab
a zorte stimm sogt “guten tag
haben Sie interesse, an einem job
es is ganz simple, ich erklär es ihnen grob

ich unterbrech sie, so schnell I’s schoff
ich brauch kan job, I wü mei ruah” sog I recht schroff
I mecht jo wirklcih ned unfreundlich sein,
owa I moch jetzt schluss fia sowas hob I ka zeit

na hören’s doch zu, schließlich braucht jeder geld
es is ganz leicht und passiert quasi von selbst
in wenigen wochen, fünfstellige zahlen
auf ihrem konto, das wird ihnen sicher gefallen

wir sind kein pyramiden oder schneeball system
nein wir sind seriös, sie werden schon sehen
was sie wollen wirklich nicht? folgende alternative
mir geben’s 2 telefonnumern und sie kriegen geld überwiesen

sogn’s is der vortrag, jetzt endlich vorbei
heans wuins mi frotzln, wos sui des sei
jetzt passens gonz, gonz genau auf
ich habe folgenden tip, für ihren künftigen lebenslauf

geh hoit di goschn, I wüs ned hean
konnst ned an onderen onblean
geh hoit di goschn, hoits bitte zam
hau die überd häuser und loss mi oglahnt

am abend endlich zu haus im bett,
wos fia a tog owa I hobs überlebt
jetzt is a ruah, tja - des hob I glaubt
scho schoit sie mei schedl ein und wird laut

so viele gedanken, ein schlechtes gewissen,
boa sochn vagessn, boa sochn woan gschissn
(dann noch) das übliche kreisen, um unsinnigkeiten
nichtige gschichtn, und geglaubte pflichten

schon fuchzehn moi umdraht, die decke gewendet
in puister aufbeidlt, wann nimmt das ein ende?
I mecht so gern schlofen, owa es is so laut
die stimm in mein kopf gibt ka ruah I zuck glei aus

geh hoit di goschn, I wüs ned hean
I dada’d mi stumm schoitn so gern
geh hoit di goschn, hoits bitte zam
A guade nocht und schene tram