du kommst zu mir her und sogst, hallo wie gehts? ollas guad?
I sog jo ollas bestens owa du herst scho goa nimmer zua
du bist scho beim nächsten, und frogst wieder die söben leeren phrasen
und I frog mi söwa wie long muas den mist no dablasen

warum frogst überhuapt nach, wenns di ned interessiert
sei so guad und hoits zom wennst mi’s nächste moi siagst
frog wos onders oder sog afoch nur kurz “hallo”
und dann moch weiter mit deiner pseudofreindlichen show

du kommst zu mir her und sogst, hallo wie gehts? ollas guad?
I sog jo ollas bestens owa du herst scho goa nimmer zua
du begrüßt scho an ondern und plauderst mit erm
und I denk ma, I frog mi, wie komma so wenig zuahern

und i ärger mi söwas doss I ned afoch sog
wias ma geht weil vielleicht hättst as dann amoi gschofft
dasd kurz stü bist und zuhauchst, so wia mas hoit mocht
owa des homa beide bis heite ned gschofft

du kommst zu mir her und sogst, hallo wie gehts? ollas guad?
I sog “eh gonz ok”, owa du herst scho goa nimmer zua
du bist scho beim nächsten und haust auße die klassischen floskeln
und I denk ma stü: deine zeit muas echt furrchthbar vü kosten

warum äregr I mi über suichane sochen
es gibt tausende leid, die’s ganz genau so mochen
owa irgendwie fänd ich’s hoit sche wemma’s schofft
dass ma nur frogn stöht wemma d’antwort vakroft

du kommst zu mir her und sogst, hallo wie gehts? ollas guad?
I sog “na, mir gehts scheiße” und I merk dasd ned wast wiasd jetzt duast
perplex denkst du dir, geh wos konn I dafia, doss erm schlecht geht?
is des mei) aufgob dass I mit erm über sein seinszustand red? I glaub ned

I muas sicher ned a jede leidensgschicht ohean
mi vuilabern loss, na I loss mi ned oblean
von an menschen den I weder guad kenn, noch sehr mog
hot der wirklich/ernsthaft geglaubt, dass is sei befinden obfrog?

so standen wir da und uns war beiden klar
dass die situation, - nun zu lange schon
besteht und auch keiner, einen nächsten schritt macht
also hab ich gsagt “war a scherz” und hab hysterisch gelacht

“wir haben den restlichen Abend jeglichen Augenkontakt vermieden und sind es sogar erfolgreich umgangen uns voneinander zu verabschieden. bei der nächsten begegnung hat sich folgendes zugetragen..”

er kommt zu mir her, sagt kurz “hallo” und draht si schnö weg
ich nicke und denk mir “der typ is ma irgendwie suspekt”
I komm zu erm her und frog sicher niemehr wie’s erm geht
I konn ned jedem menschen beim blean zuhean
- des is ma z’bled